विराटनगर, २३ असार । विभिन्न सामाजिक कार्यहरु निरन्तर गर्दै आएको रोटरी क्लब अफ विराटनगर डाउनटाउनले वतावरण संरक्षणका लागि बृक्षारोपण गरेको छ । ‘आउने पुस्ताका लागि रुख रोपौँ’ भन्ने मुल नाराका साथा विराटनगर–४ स्थित खार्जी कोहबरा गाउँमा क्लबले बृक्षारोपण गरेको हो ।
जलवायु परिवर्तनका कारण नाकारात्मक असर परिरहेकाले वातारवरण संरक्षणका लागि मेवा, जामुन, अम्बक, अनार, अमला, कागती, कटहर, बेललगायतका फलफूल र विभिन्न रुखका विरुवाहरु रोपिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।
२५० वटा भन्दा बढी रुखका विरुवाहरु रोपिएको क्लबकी सचिव नमिता टिवडेवालले बताइन् ।बृक्षारोपण कार्यक्रममा आरसीसी सदस्यहरुलाई आ आफ्नो क्षेत्रमा लगेर बृक्षा रोपण गर्नका लागि विरुवासमेत वितरण गरिएको थियो ।
सो अबसरमा विद्यालयका शिक्षक, विद्यार्थी, क्लबका पदाधिकारी एवम् सदस्यहरु, आरसीसी सदस्यहरुबिच वातावरण संरक्षणका विषयमा अन्तरकृयासमेत गरिएको थियो ।
बृक्षारोपण कार्यक्रममा रोटरी क्लब अफ विराटनगर डाउनटाउनका २० जना पदाधिकारी र सदस्यहरुको उपस्थिती रहेको क्लबकी पब्लिक इमेज कमिटी चेयर सपना सिंघलले जानकारी दिइन् । क्लबले आगामी महिना पनि बृक्षारोपण गर्ने जनाएको छ । आगामी महिना आँप र लिच्चिका विरुवाहरु रोपिनेछन् ।
प्रकाशित मिति: २०२२-०७-०७ , समय : १४:१६:१६ , २ वर्ष अगाडि
