रंगेली, १ साउन । विराटनगरबाट मोटरसाईकल चोरीमा संलग्न भएको आरोपमा चार जनालाई प्रहरील पक्राउ गरेको छ । विराटनगरका विभिन्न स्थानमा पार्किङ गरि राखेको मोटरसाईकल चोरीमा संलग्न आरोपमा प्रहरीले उनीहरुलाई पक्राउ गरेको हो ।
विराटनग–४ स्थित सामुदायिक मेडिकल हल र नोवेल अस्पताल कम्पाउण्ड भित्र पार्किङ गरी राखेको को ६ प ६८०२ नम्बरको डिस्कभर मोटरसाईकल, प्र १ –०१०–१३ प ४५०७ नम्बर १५० सिसिको पल्सर मोटरसाईकल र नम्बर नखुलेको १५० सिसिको पल्सर मोटरसाईकल चोरी गरेको आरोपमा प्रहरीले सोही ठाउँका २२ वर्षीय नविन माझी सुनसरीको दुहवी–९ का १८ वर्षिय मोहमद सलाउदिन, सोही ठाउँका ३४ वर्षिय मोहमद नसुरदिन र विराटनगर–८ २५ वर्षीय मोहमद हजरतलाई पक्राउ गरेको हो ।
उनीहरुलाई चोरीका मोटरसाईकल सहित जिल्ला प्रहरी कार्यालय मोरङबाट खटिएको प्रहरी टोलीले पक्राउ गरी सम्मानित मोरङ जिल्ला अदालतबाट चोरी कसूरमा दिन ५ (पाँच) म्याद थप गरी थप अनुसन्धान कार्य भई रहेको जनाइएको छ ।
प्रकाशित मिति: २०२२-०७-१७ , समय : ११:३७:५५ , २ वर्ष अगाडि
