एसियाली खेलकुद

तरकारी तथा फलफुल बेच्ने महिलाहरुलाई रोटरी क्लब अफ विराटनगर डाउनटाउनले दियो छाता

महिलाहरु हर्षित

रंगेली संवाददाता

विराटनगर, ८ भदौ । रोटरी क्लब अफ विराटनगर डाउनटाउनले महिलाहरुलाई छाता वितरण गरेको छ । एक कार्यक्रमकाबिच डाउनटाउनले सडक छेउमा तरकारी बिक्रि गरेर जिविकोपार्जन गर्दै आएका १५ जना महिलाहरुलाई रोटरी प्रतीक र क्लबको नाम छापिएको छाता वितरण गरेको हो ।

अहिले अत्याधिक गर्मी र वर्षा यामका कारण समस्या भइरहेकाले महिलाहरुलाई छाता वितरण गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

वितरण गरिएको छाताले प्रतिकूल मौसममा तरकारी तथा फलफूल बेच्न पर्दै आएको कठिनाइलाई कम गर्नेछ । महिलाहरुले थोरै लगानीमा व्यवसाय सञ्चालन गरिरहेकाले त्यसको लगानी र उनीहरुको स्वास्थ्यमा जोखिम देखिएकाले छाताले उनीहरूलाई सहज र अनुकूल रूपमा बिक्री गर्नका लागि उपयोगी र सुरक्षात्मक उपकरणको रूपमा काम गर्ने क्लबकी सचिव नमिता टिवडेवालले बताइन् ।

कार्यक्रममा प्रमुख अतिथिका रुपमा रोटरी क्लबका पूर्व डिस्ट्रीक्ट गभर्नर सन्तोष रिजाल, असिस्टेन्ट गभर्नर कमल अग्रवाल र क्लबका पदाधिकारी र सदस्यहरुको उपस्थिति रहेको रोटरी क्लब अफ विराटनगर डाउनटाउनकी पब्लिक इमेज कमिटी चेयर सपना सिंघलले जानकारी दिइन् ।

प्रकाशित मिति: २०२२-०८-२४ , समय : २२:१६:२८ , ३ वर्ष अगाडि