विराटनगर । महिला र युवतीहरुलाई कपडाको प्याड बनाउने तालिम प्रदान गरिएको छ । रोटरी क्लब अफ विराटनगर डाउनटाउनको आयोजनामा विराटनगरस्थित खर्जी गाउँमा प्याड बनाउने तालिम दिइएको हो ।
तालिममा ३५ जना महिला र युवतीहरुको सहभागीता रहेको थियो । सो अबसरमा उनीहरूलाई स्वास्थ्य र वातावरणमा यी बायोडिग्रेडेबल क्लथ प्याडका फाइदाहरूबारे पनि बताइएको थियो । तालिममा नान्जिन खातुन र मिस प्रकृति कोइरालाले प्रशिक्षण दिएका थिए ।
सो अबसरमा स्थानीय १०० महिलाहरुलाई प्याडसमेत वितरण गरिएको थियो । उक्त प्याडहरू एक वर्ष सम्म प्रयोग गर्न सकिने रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् । कार्यक्रमको संयोजन सन्तोष तोदीले गरेका थिए ।
प्रकाशित मिति: २०२२-११-१३ , समय : ११:२२:२९ , २ वर्ष अगाडि
