विराटनगर । नेकपा (एमाले) को जनवर्गीय संगठन नेपाल उत्पीडित जातीय मुक्ति समाज मोरङले ३५ औँ स्थापना दिवस मनाएको छ । जिल्ला कमिटी मोरङले समाजको ३५ औँ स्थापना दिवस विराटनगरस्थित जनआन्दोन चोकमा दीप प्रज्वलन गरि मनाएको हो ।
दीप प्रज्वलन कार्यक्रममा नेकपा (एमाले) का केन्द्रीय सदस्य रामलाल साह, जिल्ला कमिटी उपाध्यक्ष बाबुराम कार्की, प्रदेश कमिटी सदस्य तथा मुक्ति समाज मोरङका इन्चार्ज जितनारायण सरदारलगायत संगठनका केन्द्रीय कमिटी सदस्यहरु, प्रदेश कमिटी सदस्यहरु, जिल्ला कमिटी, विराटनगर महानगर कमिटीका पदाधिकारी र सदस्यहरुको सहभागिता थियो ।
सो अबसरमा मुक्ति समाज मोरङका अध्यक्ष किशोर विश्वकर्माले सिंगो दलित आन्दोलनको नेतृत्व मुक्ति समाजले गर्दै आएको बताए । उनले राजनीतिक रुपमै दलित समुदायका सवालहरुलाई स्थापित गर्न समेत संगठनले नेतृत्वदायी भूमिका खेलेको बताए ।
अध्यक्ष विश्वकर्माले संगठनका अग्रजहरुले थालेको आन्दोन, त्याग र बलिदानीले मात्र आज संविधानमै दलित समुदायका अधिकार स्थापित भएको तर त्यति मात्र प्रयाप्त नभएको बताए ।
उनले जातीय विभेद र छुवाछुतलाई अन्त्य गर्ने अभियानलाई अघि बढाउन र आर्थिक, राजनीतिक, समाजिक, सांस्कृतिक लगायतका सवालहरु सशक्त ढंगबाट उठाउन मुक्ति समाजलाई अझ बलियो बनाउनुपर्नेमा जोड दिए ।
प्रकाशित मिति: २०२२-१२-२० , समय : २०:५४:१० , २ वर्ष अगाडि
