विराटनगर, ५ साउन । रोटरी क्लब अफ विराटनगर डाउनटाउनले विराटनगरस्थित कोशी अस्तालको प्रसुती गृहका सुत्केरी महिलाहरुलाई पोषिलो खानेकुरा र स्वास्थ्य सामाग्री वितरण गरेको छ ।
शिक्षा, स्वास्थ्य र वातावरणका क्षेत्रमा विभिन्न सामाजिक कार्यहरु गर्दै आएको क्लबले सो अस्पतालको प्रसुती गृहमै पुगेर सुत्केरी महिलाहरुलाई पोषिलो खानेकुरा र स्वास्थ्य सामाग्री वितरण गरेको हो ।
सो अवसरमा ४० जना की सुत्केरी महिला र उनीहरुको परिवारलाई आमा र बच्चाको स्वास्थ्यको महत्वका बारेमा समेत बताइएको छ । कोशी अस्पतालकी नर्सिङ विभाग प्रमुख श्वेता उपाध्यायले स्तनपानको महत्वबारे प्रकाश पारेकी थिइन् ।
उक्त अवसरमा प्रसुती ग्रहका सबै नयाँ आमाहरुलाई मेटरनिटी गाउन, शिशुलका लागि कपडा, ब्लैंकेट, हॉर्लिक्स, सेनेटरी प्याड, साबुन, बिस्कुट र फलफूलसमेत प्रदान गरिएको रोटरी क्लब अफ विराटनगर डाउनटाउनकी अध्यक्ष कुसुम अग्रवालले जानकारी दिइन् ।
कार्यक्रममा क्लबकी सचिव सचिव संगीता सिंघानिया, सर्विस चेयर सरिता गोल्छालगायत क्लबका पदाधिकारी र सदस्यहरुको उपस्थिती रहेको थियो ।
प्रकाशित मिति: २०२३-०७-२१ , समय : १०:५१:०७ , १ वर्ष अगाडि
