विराटनगर । रोटरी क्लब अफ विराटनगर डाउनटाउनले विद्यार्थीहरुबिच ‘हेन्डराइटिङ कम्पिडिसन’ गराएको छ । क्लबले सहयोग गर्दै आएको विराटनगर बेलगाछीस्थित शिव आधारभूत विद्यालयमा कक्षा १ देखि ५ सम्मका विद्यार्थीहरुबिच ‘हेन्डराइटिङ कम्पिडिसन’ गराएको हो ।
सेप्टेम्बर रोटरीको आधारभूत शिक्षा र साक्षरता महिना भएकाले विद्यार्थीहरुबिच ‘हेन्डराइटिङ कम्पिडिसन’ गराइएको रोटरी क्लब अफ विराटनगरकी अध्यक्ष कुसुम अग्रवालले जानकारी दिइन् ।
सो प्रतिष्पर्धामा प्रथम र द्वितीय हुने विद्यार्थीहरुलाई विश्व साक्षरता दिवसको अवसरमा पुरस्कार प्रदान गरिने रोटरी क्लब अफ विराटनगर डाउनटाउनकी पब्लिक इमेज चेयर पुनम राठीले जानकारी दिइन् ।
सो अवसरमा विद्यार्थीहरुलाई खाना समेत खुवाइएको थियो । कार्यक्रममा रोटरी क्लब अफ विराटनगर डाउनटाउनकी सेक्रेटरी संगिता सिंघानिया, रोट्राक्ट सदस्यहरु र क्लबका सदस्यहरुलगायतको उपस्थिती रहेको थियो ।
प्रकाशित मिति: २०२३-०९-०६ , समय : १२:३२:५६ , १ वर्ष अगाडि
