विराटनगर । रोटरी क्लब अफ विराटनगर डाउनटाउनले मानसिक तनाव र चिन्तामुक्त बनाउन ‘वर्कशप’ आयोजना गरेको छ । विश्व मानसिक स्वास्थ्य दिवसको अवसरमा क्लबले इकोनोमी कम्युनिटी र डेभलोप्मेन्ट मन्थ अन्तर्गत ‘वर्कशप’ आयोजना गरेको हो ।
क्लबे विराटनगरस्थित विराट नर्सिङ होम र आर्ट अफ लिभिङको सहयोगमा मानसिक तनाव र चिन्तामुक्त बनाउने विषयमा ‘वर्कशप’ सञ्चालन गरेको रोटरी क्लब अफ विराटनगर डाउनटाउनकी अध्यक्ष कुसुम अग्रवालले जानकारी दिइन् ।
‘वर्कशप’ मा आर्ट अफ लिभिङकी ट्रयाचर राजकुमारी तोदीले सहजीकरण गरेकी थिइन् । कार्यक्रममा विराट नर्सिङ होमका चिकित्सक, नर्स, कर्मचारी, स्वास्थ्यकर्मी, रोटरीयनहरुलगायत समाजका अगुवाहरुको उपस्थिती रहेको थियो ।
प्रकाशित मिति: २०२३-१०-१२ , समय : २०:४३:१९ , १ वर्ष अगाडि
