विराटनगर । रोटरी क्लब अफ विराटनगर डाउनटाउनले सेरेब्रल पाल्सी भएका बालबालिकाहरूसँग ‘क्रिसमस डे’ मनाएको छ । सेरेब्रल पाल्सी डे केयर सेन्टर आदर्श विद्यालयमा क्लबले क्रिसमस मनाएको हो ।
सो अवसरमा बालबालिकाहरूलाई कपकेक्स, चकलेट र विभिन्न प्रकारका सामानले भरिएको उपहार प्याकेट वितरण गरियो। क्लबका पदाधिकारी र सदस्यहरुले उनीहरूसँग नाच्दै, गाउँदै रमाइलो गरे । सो अवसरमा बालबालिकाहरुको मुस्कान देखेर हामी आफुहरु निकै खुशी भएको क्लबी अध्यक्ष मञ्जु अग्रवालले बताइन् ।
कार्यक्रममा बालबालिकाका अभिभावकहरूले पनि सहभागिता जनाएका थिए । कार्यक्रमबाट १४ जना सेरेब्रल पाल्सी भएका बालबालिका र अभिभावकहरु लभान्वित भएका थिए ।
प्रकाशित मिति: २०२४-१२-२८ , समय : १३:४७:५७ , ५ दिन अगाडि
