विराटनगर, १७ पुस । रोटरी क्लब अफ विराटनगर डाउनटाउनले विपन्न परिवारलाई ब्ल्यांकेट र न्यानो कपडा वितरण गर्दै अंग्रेजी नयाँ वर्ष मनाएको छ ।
कठ्यांग्रीदो जाडोबाट बच्नको लागि विराटनगरस्थित खार्जीका स्थानीयलाई क्लबले ब्ल्यांकेट र न्यानोकपडा वितरण गर्दै अंग्रेजी नयाँ वर्षको सुरुवाता गरेको हो ।
त्यस्तै विराटनगरस्थित मानव सेवा आश्रममा पनि ब्ल्यांकेट र न्यानोकपडा वितरण गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।
अध्यक्ष राठीका अनुसार क्लबले आज नयाँ वर्षको अवसरमा २०० वटा ब्ल्यांकेट र न्यानो कपडा वितरण गरेको हो ।
प्रकाशित मिति: २०२३-०१-०१ , समय : १८:१२:२५ , २ वर्ष अगाडि
