विराटनगर । विराटनगरस्तित रोटरी भवनमा थाइराइड सम्बन्धी सचेतना कार्यक्रम गरिएको छ । रोटरी क्लब अफ विराटनगर डाउनटाउनले रोटरी भवनमा डा. ममता वर्माको उपस्थितीमा थाइराइड सम्बन्धी सचेतना कार्यक्रम आयोजना गरेको हो ।
सो अबसरमा डा. बर्माले थाइराड रोग र त्यसबाट बच्चे उपायका विषयमा सहभागीलाई जानकारी गराएकी थिइन् । कार्यक्रमबाट स्थानीय ८० जना लाभान्वित भएका छन् ।
सो अवसरमा तीन जनालाई सम्मानसमेत गरिएको छ । सिलाई प्रशिक्षक इन्दीरा बस्नेतलाई व्यवसायीक पुरस्कार वितरण गरिएको छ । २०२३ को जनवरी महिना रोटरीको क्यालेण्डर अनुसार व्यवसायीक महिना हो ।
सोही कारण महिलाहरुलाई शिप सिकाएर आर्थिक रुपमा सवल बनाई महिला सशक्तिकरणमा महत्वपूर्ण भूमिका निभएकाले रोटरी क्लब अफ विराटनगर डाउनटाउनले बस्नेतलाई प्रमाणपत्र र नगद पुरस्कार सहित सम्मान गरेको हो ।
ब्स्नेतले विगत २० वर्षदेखि ग्रामीण क्षेत्रका महिला र युवतीहरुलाई शिप सिलाइकटाईको तालिम दिँदै आएकी छिन् ।त्यस्तै पशुपती शिक्षा मन्दिर कटहरीकी प्रधानाध्यापक शान्ता नेपाल (पोखरेल) र ज्योती आधारभूत विद्यालय खार्जीका शिक्षक भोजकुमार अधिकारीलाई राष्ट्र निर्माण पुरस्कारबाट सम्मानित गरिएको छ ।
विद्यार्थीहरूको भविष्य निर्माणमा योगदान पु¥याएकोमा नगदसहित राष्ट्र निर्माण पुरस्कार वितरण गर्दै उनीहरुलाई सम्मान गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।
प्रकाशित मिति: २०२३-०१-२७ , समय : १२:४७:२५ , २ वर्ष अगाडि
