विराटनगर, २५ असार । रोटरी क्लब अफ विराटनगर डाउनटाउनले बृक्षारोपण गरेको छ । विराटनगर–१ बेलगछीयास्थित शिव आधारभूत विद्यालयमा क्लबले बृक्षारोपण गरेको हो ।
रोटरी क्लब अफ विराटनगर डाउनटाउन वर्ष २०२३–२४ की अध्यक्ष कुसुम अग्रवाल नेतृत्वको नयाँ समितिले पहिलो कार्यक्रम अन्तर्गत सो विद्यालयमा बृक्षारोपण गरिएको सर्भिस चेयर पर्सन सरिता गोल्छाले जानकारी दिइन् ।
सो अवसरमा विद्यालय परिसरमा दुई सय भन्दा बढी अशोक र फलफूलका विरुवा रोपिएको छ । बृक्षारोपण कार्यक्रममा विद्यालयका शिक्षक, विद्यार्थी र क्लबका १५ जना सदस्यहरुको उपस्थिती रहेको रोटरी क्लब अफ विराटनगर डाउनटाउनकी सेक्रेटरी संगिता सिंघानियाले जानकारी दिइन् ।
प्रकाशित मिति: २०२३-०७-१० , समय : २०:१०:५० , १ वर्ष अगाडि
