विराटनगर । रोटरी क्लब अफ विराटनगर डाउनटाउनको पदस्थापन सम्पन्न भएको छ । विराटनगरमा आयोजित भव्य समारोहकाबिच वर्ष २०२३–२४ का पदाधिकारीहरुको पदस्थापन सम्पन्न भएको हो ।
सो अवसरमा वर्ष २०२२–२३ का पदाधिकारीहरुले वर्ष २०२३–२४ का प्रेसिडेन्ट कुशुम अग्रवाल र सेक्रेटरी संगीता सिंघानियासतिहका पदाधिकारीहरुको पदस्थापन गराएका थिए ।
रोटरी क्लबका डिस्ट्रीक्ट गभर्नर राजेन्द्रप्रसाद ढाजुको प्रमुख अतिथ्यतामा सम्पन्न कार्यक्रममा गेष्ट अफ अनरका रुपमा जोनल कोअर्डीनेटर तथा पास्ट डिस्ट्रीक्ट गभर्नर वासुदेव गोल्यान, एआरसी, पास्ट डिस्ट्रीक्ट गभर्नर संजय गिरी, पास्ट डिस्ट्रीक्ट गभर्नर सन्तोष रिजाल, पास्ट डिस्ट्रीक्ट गभर्नर इलेक्ट राजेन्द्रमान शेरचनको उपस्थिती रहेको थियो ।
सो अवसरमा क्लबकी नवनिर्वाचित अध्यक्ष कुशुम अग्रवालले आफुहरुले यस वर्ष बालबालिको शिक्षा, स्वास्थ्य, वातावरण तथा महिला शसक्तिकरणमा विशेषरुपमा कार्य गर्ने प्रतिवद्धता जनाइन्।
उनले आफ्नो कार्यकालमा स्वास्थ्य परिक्षण, आँखा परिक्षण, मानसिक स्वास्थ्य, बृक्षारोपणलगायतका कार्यहरु गरिने बताइन् । अध्यक्ष अग्रवालले विद्यालयलाई छानेर ‘ह्प्पी स्कुल’ मा परिणत गरिने समेत जानकारी दिइन् ।
पदस्थापन कार्यक्रममा विभिन्न व्यक्तित्वहरुलाई सम्मान गरिनुका साथै, प्रमुख अतिथी, विशिष्ट अतिथी र अतिथीहरुलाई मायाको चिनोसमेत प्रदान गरिएको थियो ।
प्रकाशित मिति: २०२३-०७-२१ , समय : ११:३५:२३ , १ वर्ष अगाडि
