रंगेली, ३ वैशाख । मोरङको रंगेली नगरपालिकामा नेकपा एमाले वडा नम्बर ३ मा प्यानलै विजयी भएको छ । रंगेली–३ को वडाध्यक्षमा एमालेका भरतराज प्रसाई सहित उनको टिमका सवै निर्वाचित भएका छन् ।
वडाध्यक्षमा प्रसाईले १३५४ मत प्राप्त गरेर निर्वाचित हुँदा उनका निकटतम प्रतिद्वन्दी नेपाली कांग्रेसका विकास शिवाकोटीले ११५८ मत मात्र प्राप्त गरे । त्यस्तै सदस्यहरुमा पनि एमालेकै लोकबहादुर काफ्ले, राधिका मगर, पुनम कर्मकार र दलित महिला सदस्यमा तुलसा दमाई निर्वाचित भएको मुख्य निर्वाचन अधिकृतको कार्याले रंगेलीले जनाएको छ ।
२०७४ सालमा सो वडामा नेपाली कांग्रेस विजयी भएको थियो । तर, यसपटक भने एमालेले जित्दै नयाँ इतिहास रचेको हो । अहिले १, र २ नम्बर वडाको पनि मतगणना अन्तिम चरणमा पुगेको छ । अहिले दुवी वडामा एमालेकै उम्मेदवारहरुले अग्रता लिइरहेका छन् ।
प्रकाशित मिति: २०२२-०५-१८ , समय : ०६:३७:०६ , ३ वर्ष अगाडि
